Bakı. Şəhriyar Əlizadə - APA. Azərbaycanda hakimliyə namizədlərin peşə hazırlığının yoxlanılması məqsədi ilə yazılı imtahanları keçirilir.
APA-nın məlumatına görə, Texniki Universitetin idman zalında saat 10.00-da başlanan
imtahanı beynəlxalq təşkilatlar, yerli QHT və hüquq – müdafiə təşkilatlarından olan 30-dək müşahidəçi və mətbuat nümayəndələri izləyirlər. İmtahan başlamazdan əvvəl Hakimlərin Seçki Komitəsinin qapalı iclasında kazus xarakterli 8 sual hazırlanıb. Həmin suallar sırasından namizədlərin cinayət və mülki sahəyə dair təsadüfi yolla seçdiyi iki sual dərhal çoxaldılaraq cavablandırılması üçün onlara paylanıb. 4 saat davam edəcək imtahanda namizədlər verilmiş hüquqi kazusları həll etməklə, müvafiq məhkəmə qərarlarını tərtib etmək bacarıqlarını nümayiş etdirəcəklər.
Qeyd edək ki, 400-dən çox hakimliyə namizəddən 76 nəfəri test üsulu ilə, habelə yazılı və şifahi imtahanlardan keçib, hakim vəzifəsinə hazırlanmaları üçün bir il müddətində davam edən tədris kursunu , o cümlədən məhkəmələrdə yarım illik staj keçməni başa vurublar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
