Bakı. Aqşin Rafiqoğlu - APA-Economics. Bu ilin yanvar-fevral aylarında Azərbaycanda maşın və avadanlıqların, nəqliyyat vasitələri, avtomobil və qoşquların istehsalı sahələrində 44,1 mln. manatlıq məhsul istehsal edilib.
Dövlət Statistika Komitəsindən “APA-Economics”ə verilən məlumata görə, əvvəlki ilin yanvar-fevral ayları ilə müqayisədə maşın və avadanlıqların istehsalı 18,3%, avtomobil və qoşquların istehsalı 22,6%, nəqliyyat vasitələrinin istehsalı isə 16,4% azalıb.
Belə ki, ötən aylar ərzində Azərbaycanda 38 ədəd minik avtomobili istehsal edilib. Bu, 2014-cü ilin yanvar-fevral ayları ilə müqayisədə 74,1% azdır. Nəticədə bu ilin mart ayının 1-nə 258 ədəd hazır məhsul ehtiyatı yaranıb.
Ötən iki ay ərzində ölkədə 77 ədəd yük avtomobili istehsal edilib. Bu da əvvəlki ilin müvafiq dövrünə nisbətən 15,4% azdır. Bundan başqa, ötən iki ay ərzində 100 ədəd xüsusi təyinatlı kommunal maşınları istehsal edilib.
Yanvar-fevral aylarında 186 ədəd traktor istehsal edilib ki, bu da ötən ilin yanvar-fevral ayları ilə müqayisədə 14,3% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
