2014-cü ilin aprel ayı ərzində “www.e-gov.az” portalı tərəfindən təqdim edilən e-xidmətlərdən vətəndaşlar tərəfindən ən çox istifadə edilənlər məlum olub.
Belə ki, əldə etdiyimiz məlumatlara əsasən bu xidmətlərə:
- Daxili İşlər Nazirliyinin təqdim etdiyi
- Yol hərəkəti qaydalarının pozuntusu ilə əlaqədar tətbiq edilən cərimələr və cərimə balları barədə məlumatlar xidməti.
- Təhsil Nazirliyinin təqdim etdiyi
- Diplom haqqında məlumatlar xidmətləri.
- Vergilər Nazirliyinin təqdim etdiyi
- VÖEN-ə görə ödəyicinin axtarılması.
- Əmlak Məsələləri Dövlət Komitəsinin təqdim etdiyi
- Daşınmaz əmlakın ipotekasının dövlət qeydiyyatı və ya ləğvi üçün müraciətin və sənədlərin qəbulu xidmətləri.
- Rabitə və Yüksək Texnologiyalar Nazirliyinin təqdim etdiyi
- Telefon nömrəsi üzrə axtarış;
- Vətəndaşın fərdi məlumatları barədə arayış;
- Mobil cihazların qeydiyyatdan keçirilməsi;
- Cari ay ərzində aparılmış şəhərlərarası və beynəlxalq danışıqlar üzrə məlumat;
- Portal üzərindən verilmiş arayışların yoxlanılması xidmətləri.
- Dövlət Sosial Müdafiə Fondunun təqdim etdiyi
- Sığortaolunanın onlayn uçota alınması;
- Sığortaedənin uçot nömrəsinin öyrənilməsi və sığortaolunanın illər üzrə ödənişləri və pensiya kapitalı;
- Pensiya kalkulyatoru xidmətləri.
- Ədliyyə Nazirliyinin təqdim etdiyi
- Azərbaycan adları barədə məlumatın verilməsi xidməti
daxildir.
Xatırladaq ki, “www.e-gov.az” portalı Azərbaycan Respublikası Prezidentinin 2008-ci il 11 avqust tarixli “Azərbaycan Respublikasında rabitə və informasiya texnologiyalarının inkişafı üzrə 2010-2012-ci illər üçün Dövlət Proqramının (Elektron Azərbaycan)” təsdiq edilməsi haqqında Sərəncamı və “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” 23 may 2011-ci il tarixli Fərmanının qəbulundan sonra hazırlanaraq istifadəyə verilmişdir və əsas məqsədi vətəndaş və dövlət qurumları arasında münasibətləri rahatlaşdırmaqdır. Statistikaya əsasən, 2012-ci ilin dekabrından 2014-cü ilin aprel ayının sonuna qədər portala ümumilikdə 623078 daxilolma qeydə alınıb. Portala müraciət edənlərin ümumi sayı isə 341 776 nəfər olub.
Aprel ayının ilk ongünlüyündə “www.e-gov.az” portalının təqdim etdiyi elektron xidmətlərə olan müraciətlərin sayı 1 milyona çatıb.
Portalın xidmətlərindən elektron imza ilə istifadə etmək mümkündür.