Bakı. Real Cəfərli - APA. “İranın nüvə məsələsinin birdəfəlik həlli məqsədilə davam etdirilən müzakirələr məğlubiyyətə uğrayarsa, digər variantlar kimi hərbi seçim də masa üzərində olacaq”.
APA-nın “Mehr” xəbər agentliyinə istinadən verdiyi məlumata görə, bunu ABŞ Dövlət Departamentinin sözçüsü Mari Harf bildirib.
Onun sözlərinə görə, ABŞ tezliklə hərbi varianta əl atmayacaq: “İranın nüvə məsələsində ilk öncə diplomatik yollara müraciət ediləcək. Əgər heç bir irəliləyiş baş verməsə, 6 ay, 1 il və ya hər hansı bir zaman çərçivəsində nəticə əldə olunması üçün digər variantlar gündəmə gələcək. Bu variantlar qısamüddətli və təhlükəli olacaq”.