Bakı. Fuad Cəfərov - APA. Bakıda bıçaqlanma hadisəsi baş verib.
Səbail Rayon Polis İdarəsindən APA-ya verilən məlumata görə, hadisə ötən gecə saat 23 radələrində, Puşkin küçəsi-2 ünvanında qeydə alınıb.
Bakı şəhər sakini, 1967-ci il təvəllüdlü Meybulla Bəşir oğlu Meybullayev naməlum şəxs tərəfindən bıçaqlanıb.
M. Meybullayev ağır bədən xəsarətləri ilə Klinik Tibbi Mərkəzə yerləşdirilib.
Hazırda polis hadisəni törədən şəxsin tapılması istiqamətində iş aparır.