Bakı-APA. Azərbaycanın prezidenti yanında Dövlət İdarəçilik Akademiyası ilə Karlton Universiteti arasında Anlaşma Memorandumu imzalanmışdır.
Azərbaycanın Kanadadakı səfirliyindən APA-ya verilən məlumata görə, memoranduma əsasən, Dövlət İdarəçilik Akademiyası ilə Karlton Universiteti nəzdində fəaliyyət göstərən Dövlət İdarəçiliyi Mərkəzi (Centre for Governance and Public Management) arasında müxtəlif sahələr üzrə elmi əməkdaşlığın həyata keçirilməsi nəzərdə tutulub.
Tərəflər gələcəkdə birgə elmi araşdırmaların aparılması, eləcə də professor-müəllim və tələbə mübadiləsinin həyata keçirilməsinə dair razılığa gəliblər. İlk qarşılıqlı səfərlərin 2014-cü ilin yazında həyata keçirilməsi gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
