APA-nın “Reuters”-ə istinadən verdiyi məlumata görə, Dövlət Departamentinin mətbuat katibi Mari Harf (Marie Harf) jurnalistlərə bildirib ki, separatçılar son günlər Rusiyadan ağır silahlar və hərbi texnika, o cümlədən tanklar və raket sistemləri alıblar.
Onun sözlərinə görə, son üç gün ərzində Rusiyadan Ukraynaya 3 ədəd T-64 markalı tank, bir neçə BM-21 “Qrad” qurğusu və digər hərbi texnikadan ibarət karvan daxil olub.
Özlərini Donetsk Xalq Respublikası elan etmiş separatçılar son bir neçə gün ərzində 3 tank əldə etdiklərini təsdiqləsələr də, həmin texnikaları haradan aldıqlarını açıqlamayıblar.