İraq paytaxtının cənubunda yerləşən məscidin yaxınlığında ötən gün törədilmiş partlayış nəticəsində 11 nəfər ölüb. Polisin məlumatına görə, partlayış Xalid bin əl-Valid məscidinin mərkəzi girişinin qarşısında törədilib. Partlayışa görə məsuliyyəti hələlik heç bir təşkilat öz üzərinə götürməyib.
Bundan başqa Bəəkübə şəhərində terrorçu-kamikadze özünü insanların sıx olduğu küçədə partladıb. “İTAR-TASS”ın verdiyi xəbərə görə, nəticədə, ikisi polis olmaqla, üç nəfər ölüb.
Bağdadda yas mərasimi keçirən ailə terrorçuların hədəfi olub. Minalanmış avtomobilin partladılması nəticəsində 5 nəfər ölüb.
Daha iki nəfərin ölümü ilə nəticələnən terror aktları Əl-Müqdadiyyə və Mosul şəhərlərində törədilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
