Bakı. Viktoriya Dementyeva – APA. Aprelin 4-5-də Bakıda II Fransa-Azərbaycan Universitetlərarası Forumu keçiriləcək. Fransanın Azərbaycandakı səfirliyindən APA-ya verilən məlumata görə, aprelin 4-də Azərbaycan və Fransa universitetləri arasında birbaşa dialoq və görüşlər keçiriləcək. Fransa ali təhsil sisteminin üstünlüyü ilə yaxından tanış olmaq üçün bu tədbirlərə həmçinin özəl şirkətlərin nümayəndələri də dəvət olunacaq. Aprelin 5-də keçiriləcək Fransa ali təhsil müəssisələrinin təhsil yarmarkasında isə azərbaycanlı tələbələr iştirak edəcəklər.
Xatırladaq ki, I Fransa-Azərbaycan Universitetlərarası Forumu ötən il iyun 14-də Azərbaycan Diplomatiya Universitetində keçirilib. Həmin forum çərçivəsində bir sıra ikitərəfli əməkdaşlıq sənədləri, o cümlədən Lil Siyasi Elmlər İnstitutu ilə Azərbaycan Diplomatiya Universiteti arasında saziş imzalanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
