Ağdam. Teymur Zahidoğlu - APA. Ağdamda məcburi köçkünlərin məskunlaşdığı “Dördyol-1” qəsəbəsində fərdi yaşayış evində yanğın hadisəsi baş verib. APA-nın Qarabağ bürosunun xəbərinə görə, qəsəbədə məskunlaşan Xocalı sakini Rəcəbov Nemət Kamal oğluna məxsus ev səhər saat 5 radələrində od tutub. Yanğın nəticəsində xəsarət alan olmasa da, tikili içindəki əşyalarla birgə tamamilə yanıb.
Hadisə yerinə cəlb olunan yanğınsöndürənlər alovun yaxınlıqdakı evlərə keçməsinin qarşısını alıblar. Faktla bağlı araşdırma aparılır.