Bakı-APA. ATƏT Ukraynada müşahidəçilərin sayını 500 nəfərədək çatdırmaq niyyətindədir. APA-nın “İTAR-TASS”a istinadən verdiyi xəbərə görə, müvafiq qərar aprelin 17-də Rusiya, ABŞ, AB və Ukrayna XİN rəhbərləri tərəfindən əldə olunmuş Cenevrə sazişinin icrasını təmin etmək məqsədilə qəbul olunub. Bu barədə ATƏT nümayəndəsi Adam Koberatski bildirib.
Xatırladaq ki, martın 21-də ATƏT Daimi Şurası Ukraynaya 6 ay müddətinə xüsusi monitorinq missiyasını göndərməyi qərara alıb.