Bakı. Rəşad Süleymanov - APA. Nazirlər Kabineti "Dövlət büdcəsindən maliyyələşən müəssisələrdə çalışmanın yaş həddinə çatmış işçinin çalışma müddətinin 5 ildən artıq uzadılmasına yol verən elm, mədəniyyət, səhiyyə və təhsil sahələrinin inkişafında xüsusi xidmətlərin meyarları"nda dəyişikliklər edib. Bu barədə APA-ya Nazirlər Kabinetindən məlumat verilib.
Dəyişikliyə əsasən, dövlət büdcəsindən maliyyələşən müəssisələrdə çalışan, 1991-ci il oktyabrın 18-dək orden və medallarla təltif edilmiş şəxslərin yaş həddinə çatdıqdan sonra çalışma müddətinin 5 ildən artıq uzadılmasına icazə verilir.
Qeyd edək ki, "Dövlət büdcəsindən maliyyələşən müəssisələrdə çalışmanın yaş həddinə çatmış işçinin çalışma müddətinin 5 ildən artıq uzadılmasına yol verən elm, mədəniyyət, səhiyyə və təhsil sahələrinin inkişafında xüsusi xidmətlərin meyarları" 2011-ci ilin oktyabr ayında qəbul edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
