Tiflis. Nizami Məmmədzadə - APA. Gürcüstanın Mərkəzi Seçki Komissiyası (MSK) yerli özünüidarəetmə orqanlarına sabah keçiriləcək seçkilərdə monitorinq aparmaq üçün 32 xarici təşkilat və 59 yerli təşkilatdan müşahidəçiləri qeydiyyata alıb. APA-nın Gürcüstan bürosunun məlumatına görə, seçkidə müşahidəçi kimi Avropa Şurasının, ATƏT-in, Avropa Birliyinin, Beynəlxalq Respublikaçılar İnstitutu, Milli Demokratiya İnstitutu, eyni zamanda ABŞ, İsveç, Hollandiya, Polşa, Qazaxıstan, Ermənistan, Moldova və digər ölkələrin nümayəndələri iştirak edəcək.