Bakı. Hafiz Heydərov - APA. Sumqayıtda zavodda ölüm hadisəsi baş verib. Sumqayıt şəhər Polis İdarəsindən APA-ya verilən məlumata görə, hadisə Bakı-Sumqayıt yolunun 33-cü kilometrliyində yerləşən “Karbonat” zavodunda qeydə alınıb. Orada fəhlə işləyən, Bakı şəhər sakini, 37 yaşlı Rüstəm Rafiq oğlu Həsənov 5-ci mərtəbədən yıxılaraq dünyasını dəyişib.
Faktla bağlı Sumqayıt şəhər Prokurorluğu tərəfindən araşdırma aparılır.