Bakı-APA. Yasir Ərəfatın 2004-cü ildə polonium maddəsi ilə zəhərləndirildiyinə dair şübhələri təsdiqlənməkdədir. APA-nın RİA-Novosti-yə istinad ilə verdiyi xəbərə görə, bu haqda Röyter agentliyinə ekspertizanın nəticələrini əldə etmiş keçmiş Fələstin liderinin həyat yoldaşı məlumat verib.
“Bizə əsl cinayətin olduğunu açıqladılar. Bu siyası qətldir”, - deyə Parisdə yaşayan Suha Ərəfat bildirib.
Agentliyin məlumatına görə, Suha Ərəfat İsveçrənin Lozanna şəhərində yerləşən radiofizika institutunun keçirdiyi ekspertizanın nəticələrini əldə edib. Məhz burada Y.Ərəfatın cənazəsi müayinə edilib.