Bakı – APA. Azərbaycan yığmasının sabiq futbolçusu Murad Hüseynovun Rusiyanın “Luç-Enerji” klubuna keçidi düyünə düşüb. Apasport.az saytının məlumatına görə, milliləşən rusiyalının vətənində oynamasına Azərbaycan vətəndaşlığı daşıması mane ola bilər.
Belə ki, komandanın erməni baş məşqçisi Aleksandr Qriqoryan yığmamızın heyətində Almaniya millisinə qol vuran, indi isə aşağı dəstə təmsilçisində baxışda olan Muradı heyətdə saxlamamaq üçün bəhanə tapıb. Çalışdırıcı verdiyi müsahibədə yığmamızın üzvünü bəyəndiyini, lakin onun legioner olmasının transferinə əngəl yaratdığını bildirib: “Bu futbolçu xoşuma gəldi. Xarici olmasaydı, gözüyumulu komandaya götürərdim. Lakin indiki vəziyyətdə onun keçidi alınmayacaq”.
Qeyd edək ki, ölkəmizdə “Qəbələ” və “Sumqayıt”ın formasını geymiş Hüseynov son vaxtlar Serbiya və Çexiya klublarının düşərgəsində olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
