Bakı – APA. Bu gün Gənclər və İdman Nazirliyi, Milli Olimpiya Komitəsi, Beynəlxalq İdman Jurnalistləri Assosiasiyası və “Sportsman” jurnalı tərəfindən birgə təsis edilmiş “Zəfər-2013” Yüksək İdman Nailiyyətləri Mükafatının təqdimetmə mərasimi keçirilib.
Tədbirdə Azərbaycan Hava və Ekstremal İdman Növləri Federasiyası (FAİREX) “Dağ İdmanının İnkişafındakı Xidmətlərinə görə” mükafatına layiq görülüb.
Bu barədə APA-ya Azərbaycan Hava və Ekstremal İdman Növləri Federasiyasının
mətbuat xidmətindən məlumat verilib.
Tədbirdə Azərbaycanın görkəmli idman mütəxəssisləri, tanınmış idmançılar, nazirlik, komitə və şirkətlərin səlahiyyətli nümayəndələri iştirak ediblər.