Bakı. Cavid Zeynalov – APA. Yanvarın 29-da Yunanıstanın Azərbaycandakı səfirliyinin təşkilatçılığı ilə ölkənin Avropa İttifaqında sədrliyi ilə əlaqədar Rəşid Behbudov adına Azərbaycan Dövlət Mahnı Teatrında konsert keçirilib.
APA-nın məlumatına görə, tədbirdə çıxış edən Yunanıstanın Azərbaycandakı səfiri Dimitrios Tsounqas bildirib ki, Yunanıstan beşinci dəfədir ki, quruma sədrlik edir: “Artıq bu məsələdə Yunanıstanın böyük təcrübəsi var”.
Konsert proqramında “Trio Elegeia” qrupunun ifasında Manos Hacidakis, Nikos Skalkotas və digər yunan bəstəkarlarının əsərləri ifa olunub.