Bakı. Aqşin Rafiqoğlu – APA-Economics. Ötən il Azərbaycanda ümumilikdə 75 ixtiraya patent verilib.
Standartlaşdırma, Metrologiya və Patent üzrə Dövlət Komitəsindən «APA-Economics»ə verilən məlumata görə, bu ixtiralardan 71-i milli, 4-ü isə xarici fiziki və hüquqi şəxslərə məxsus olub.
Faydalı modelə dair 7 patent qeydiyyata alınıb ki, onlardan da 4-ü milli, 3-ü isə xarici fiziki və hüquqi şəxslərə məxsusdur. Sənaye nümunələrinə dair 17 patent verilib, onlardan 3-ü milli, 14-ü isə xarici fiziki və hüquqi şəxslərə məxsus olub.
Həmçinin, 2013-cü ildə 1 730 ədəd əmtəə nişanı və 4 coğrafi göstərici qeydiyyata alınıb.