Bakı. Gülnar Bəşirova – APA. Bu gün Gənclər və İdman naziri Azad Rəhimov Masallı, Astara, Cəlilabad, Lerik, Yardımlı rayonları və Lənkəran şəhərindən olan vətəndaşları qəbul edib.
Gənclər və İdman Nazirliyinin mətbuat katibi Səmayə Məmmədovanın APA-ya verdiyi məlumata görə, Masallı Gənclər Mərkəzində baş tutan görüşdə 40-dan artıq vətəndaş iştirak edib.
Müraciətlərin 30-dan çoxu idman sahəsində fəxri adların verilməsi, idman qurğularının idman avadanlıqları ilə təchiz olunması, olimpiya idman komplekslərinin, idman qurğularının tikilməsi və təmiri ilə bağlı olub.
10-dan artıq müraciət qeyri-hökumət gənclər təşkilatlarının yaradılması, layihələrin dəstəklənməsi, Gənclər Mərkəzlərinin tikintisi və təmiri istiqamətində olub.
Digər müraciətlər ipoteka kreditlərinin verilməsi, sahibkarlara güzəştli kreditlərin verilməsi, iş ilə təminat və şəxsi məsələləri əhatə edib.
Bəzi məsələlər yerindəcə həllini tapıb, araşdırılması tələb edən məsələlər isə aidiyyatı qurumlara göndərilməsi üçün nəzarətə götürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
