Bakı sakini dəm qazından, Ağcabədi sakini isə sirkə turşusundan zəhərlənərək ölüb
Bakı. Fuad Cəfərov - APA. Ötən gün Azərbaycanda 3 nəfər bədbəxt hadisə nəticəsində ölüb. APA-nın Daxili İşlər Nazirliyinin saytına istinadən verdiyi məlumata görə, mayın 7-də Binəqədi rayon sakini Nahid Namazov dəm qazından zəhərlənərək ölüb.
Mayın 6-da Ağcabədi rayon sakini, ruhi xəstə Hicran Qasımova sirkə turşusundan zəhərlənmə ilə xəstəxanaya gətirilib və mayın 7-də orada dünyasını dəyişib.
Mayın 7-də Abşeron rayonu Novxanı kəndində azyaşlı Mahir Abdullayev yaşadığı evin həyətində ehtiyatsızlıqdan hovuza yıxılaraq ölüb.