Bakı. Aynur Əliyeva - APA-Economics. Bakıda Quraq Ərazilərdə Kənd Təsərrüfatı Tədqiqatları üzrə Beynəlxalq Mərkəzin (İCARDA) Himayədarlar Şurasının 53-cü toplantısı keçirilir.
“APA-Economics”in məlumatına görə, toplantıda İCARDA Himayədarlar Şurasının üzvləri, Mərkəzi və Cənubi Qafqaz ölkələrinin milli kənd təsərrüfatı tədqiqatının rəhbərləri, ümumilikdə 30 ölkədən 70-ə yaxın nümayəndə iştirak edir.
Qeyd edək ki, beynəlxalq tədbirdə İCARDA-nın dünyanın müxtəlif bölgələrində həyata keçirdiyi tədqiqat proqramlarının nəticələri, kənd təsərrüfatı tədqiqatları sahəsində beynəlxalq əməkdaşlığın vəziyyəti, iqlim dəyişkənliyinin kənd təsərrüfatına və ərzaq təhlükəsizliyinə təsiri, növbəti illər üçün İCARDA-nın tədqiqat və investisiya planları və digər məsələlər müzakirə olunacaq.
Beynəlxalq tədbir dekabrın 4-dək davam edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
