Bakı - APA. Braziliya Federativ Respublikasının Müdafiə Nazirliyinin rəsmi dəvəti ilə Azərbaycan Respublikası Müdafiə Nazirliyinin nümayəndə heyəti aprelin 28-29-da bu ölkədə işgüzar səfərdə olacaq.
Müdafiə Nazirliyinin mətbuat xidmətindən APA-ya verilən məlumata görə, Nazirliyin Beynəlxalq Hərbi Əməkdaşlıq İdarəsinin rəisi, general-mayor Ramiz Nəcəfovun rəhbərliyi ilə keçiriləcək görüşlərdə iki ölkə arasında hərbi sahədə əlaqələrin yaradılması, hərbi əməkdaşlığın istiqamətləri və perspektivlərinin müəyyənləşdirilməsi barədə fikir mübadiləsinin aparılması planlaşdırılır.