Bakı. APA-Economics. “Nar Mobile” ailəsi daha bir uğura imza atıb.
Şirkətdən “APA-Economics”ə verilən məlumata görə, mobil operatorun biznes prosesləri üzrə baş mütəxəssisi Aqşin İsmayılov 27 may–1 iyun 2014-cü il tarixləri arasında Rusiyanın Soçi şəhərində keçirilən Ağırlıqqaldırma üzrə dünya kuboku yarışlarında yüksək nəticə göstərib.
Ağırlıqqaldırmanın “Bench Press” növü üzrə keçirilən yarışlarda çıxış edən A.İsmayılov mütləq çəki dərəcəsində 2-ci yerə layiq görülüb, 82,5 kq-lıq çəki dərəcəsində isə 220 kq nəticə ilə 1-ci yeri tutub.