Göyçay. Elvin Yaqubov - APA. Azərbaycanda 18 yaşlı qız binanın beşinci mərtəbəsindən yıxılaraq ölüb. Göyçay Rayon Polis Şöbəsindən APA-ya verilən məlumata görə, hadisə bu gün saat 12.00 Göyçay şəhərinin Məmməd Əmin Rəsulzadə küçəsində yerləşən beşmərtəbəli yaşayış binasında qeydə alınıb.
1995-ci il təvəllüdlü Aynurə Məmməd qızı Əhmədova yaşadığı binanın beşinci mərtəbəsindən yıxılıb. A. Əhmədova Göyçay Mərkəzi Rayon Xəstəxanasına aparılarkən yolda dünyasını dəyişib.
Hadisə şahidlərinin APA-ya verdiyi məlumata görə, A. Əhmədova pəncərə şüşəsini silərkən ehtiyatsızlıq edərək yıxılıb.
Faktla bağlı Göyçay Rayon Prokurorluğunda araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
