Bakı. Aqşin Rafiqoğlu – APA-Economics. Bu ilin sentyabr ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 327 083 ton Azərbaycan nefti nəql olunub. Azərbaycan Dövlət Neft Şirkətindən «APA-Economics»ə verilən məlumata görə, bu, ötən ilin eyni dövrü ilə müqayisədə 2,9% çoxdur.
Bu ilin yanvar-sentyabr aylarında BTC kəməri ilə 22 547 088 ton neft ötürülüb. Bu isə ötən ilin analoji dövrü ilə müqayisədə 1,6% azdır.
Ümumiyyətlə, kəmər istifadəyə verilən gündən 2013-cü il oktyabrın 1-ə qədər BTC-yə 227 998 902 ton neft vurulub.
Bundan başqa, bu ilin sentyabr ayında BTC kəməri ilə 200 688 ton tranzit Türkmənistan nefti nəql olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
