Bakı. Aynur Əliyeva - APA-Economics. Bu gün Dövlət Sosial Müdafiə Fondunda (D
«APA-Economics»in xəbər verdiyi kimi, DSMF sədri Elman Mehdiyev tədbirin məqsədi və qurumun son dövrlərdə gördüyü işlər haqqında məlumat verib. Onun sözlərinə görə, DSMF-nin mərkəzi məlumat bazasında ölkə əhalisinin 40%-ə qədəri barədə məlumat toplanılıb. Fond tərəfindən əhaliyə təqdim olunan xidmətlərin sayı 21-ə çatdırılıb.
E.Mehdiyev qeyd edib ki, DSMF-nin təkcə «Elektron hökumət» portalına inteqrasiya olunmuş elektron xidmətlərindən 119 minə yaxın istifadəçi yararlanıb.
«MDB-də ilk dəfə Azərbaycanda əmək pensiyalarının avtomatlaşdırılmış qaydada təyin edilməsinə başlanılıb və qısa müddətdə 1 067 nəfərə avtomatlaşdırılmış qaydada pensiya təyin olunub», - deyə E.Mehdiyev əlavə edib.
Qeyd edək ki, hazırda ölkədə 2,630 mln. nəfərdən çox şəxsə fərdi şəxsi hesab açılaraq sosial sığorta şəhadətnamələri paylanılıb.