Bakı. Aqşin Rafiqoğlu – APA-Economics. Ölkədə manatın məzənnəsinin aşağı düşməsi yerli məhsulların ixracına maneələr törədir və istehsala mənfi təsir göstərir. Bununla bağlı “Azersun Holdinq”in Müşahidə Şurası müxtəlif qabaqlayıcı tədbirlər həyata keçirəcək.
“APA-Economics”in məlumatına görə, bunu “Azersun Holdinq”in baş direktoru Savaş Uza deyib.
Onun sözlərinə görə, milli valyutanın dollara nisbətdə ucuzlaşması şirkəti müxtəlif addımlar atmağa vadar edib. “Bu addımlar ölkəyə əlavə valyuta cəlb olunmasına, yerli valyutanın ölkədə qalmasına, ölkədə yerli istehsalın artırılmasına və bununla da yerli məhsulların xaricə ixrac olunmasına kömək edəcək”.
S. Uzan deyib ki, istehsalatda istifadə olunan idxal məhsulları maksimum azaldılaraq yerli məhsullarla əvəz ediləcək: “Bu yolla xərclər azaldılacaq, satış həcminin artırılması istiqamətində layihələr həyata keçiriləcək. Xarici bazarlara çıxılması istiqamətində dövlət başçısının yaratdığı imkanlardan faydalanaraq, ixrac potensialının artırılması üçün tədbirlər həyata keçiriləcək”
S. Uzan deyib ki, “Azersun Holdinq” bununla bağlı Almaniyada yeni ofis yaradılıb və Azərbaycan məhsullarının bu ölkədə tanıdılması ilə bağlı ilk addımlar atılıb.
O qeyd edib ki, bu istiqamətdə ikinci belə addım İqtisadiyyat və Sənaye Nazirliyinin xətti ilə istər xaricdə, istərsə də ölkədə təşkil olunacaq sərgi, biznes-forum və müxtəlif tədbirlərdə “Azersun Holdinq”in daha da tanıdılması ilə bağlı olacaq. “Azersun Holdinq bundan sonra bütün sərgidə yaxından iştirak edərək, öz məhsullarının tanıdılması fürsətindən maksimum faydalanacaq”.
S. Uzan deyib ki, “Azersun Holdinq” Almaniyanın tanınmış “Heinemann” şirkəti ilə anlaşma əldə edilib. Belə ki, bu şirkət 59 ölkənin hava limanlarında “Azersun Holdinq”in istehsal etdiyi “Azərçay” markalı çaylarının satışını təşkil edəcək: “Artıq bunun üçün razılıq da əldə edilib. “2015-ci ildə şirkət ölkədə yetişdirilən məhsulların qəbulunu artıracaq. Burda məqsəd yerli məhsulların istehsalını və yerli bazarda istehlakını artırmaqdır. Qalan məhsullar isə xaricə ixrac ediləcək və “Azersun Holdinq” məhsulları xaricdə təmsil olunacaq”.
S. Uzan bildirib ki, “Azersun Holdinq” 100 min kvadratmetrlik istehsal istixanasının sahəsini 300 kvadratmetrə çatdırmaq niyyətindədir. “Bununla da, şirkət istehsalını artırmaq, həmçinin yerli və xarici bazarı genişləndirmək niyyətindədir. Məqsəd ölkədən çıxan xarici valyutanın qarşısını almaq və ölkəyə xarici valyuta cəlb edilməsini artırmaqdır”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
