Maliyyə

Ana səhifə

Maliyyə

İlin əvvəlindən avtomobil sahiblərinin mülki məsuliyyətinin icbari sığortası üzrə 24 mln. manatdan çox ödənişi edilib

02 dekabr 2014 12:48 (UTC +04:00)

Bakı. Musa Əhmədov - APA-Economics. Noyabr ayı ərzində “Avtonəqliyyat vasitəsi sahiblərinin mülki məsuliyyətinin icbari sığortası” üzrə 1,1 mln. manatdan çox sığorta ödənişi həyata keçirilib.

İcbari Sığorta Bürosundan (İSB) “APA-Economics”ə verilən məlumata görə, hesabat dövründə “Avtonəqliyyat vasitəsi sahiblərinin mülki məsuliyyətinin icbari sığortası” üzrə Büronun iştirakçıları olan sığorta şirkətləri tərəfindən 1 017 sığorta tələbi üzrə 1 188 252 manat məbləğində sığorta ödənişi həyata keçirilib.

Ödənilmiş sığorta tələblərinin və həmin tələblər üzrə həyata keçirilmiş sığorta ödənişlərinin zərərin növü üzrə bölgüsü aşağıdakı kimi olub:

Nəqliyyat vasitəsinə dəyən zərər üzrə		Əmlaka dəyən zərər üzrə		Sağlamlığa dəyən zərər üzrə		Şəxsin ölümü üzrə		Cəmi
Say	Məbləğ	Say	Məbləğ	Say	Məbləğ	Say	Məbləğ	Say	Məbləğ
972	1,101,122	19	29,630	19	22,500	7	35,000	1,017	1,188,252

2014-cü ilin yanvar-noyabr ayları ərzində “Avtonəqliyyat vasitəsi sahiblərinin mülki məsuliyyətinin icbari sığortası” üzrə büronun iştirakçıları olan sığorta şirkətləri tərəfindən ümumilikdə 24,3 mln. manat sığorta ödənişi həyata keçirilib.

İSB noyabr ayı ərzində “Avtonəqliyyat vasitəsi sahiblərinin mülki məsuliyyətinin icbari sığortası” üzrə 2 kompensasiya tələbi üzrə 7 800 manat, yanvar-noyabr ayları ərzində isə 65 kompensasiya tələbi üzrə 220 676 manat məbləğində kompensasiya ödənişi həyata keçirib.