Bakı. Aynur Əliyeva - APA-Economics. Qala-Pirallahı avtomobil yolu yenidən qurulur.
Nəqliyyat Nazirliyi “Azəryolservis” ASC-dən “APA-Economics”ə verilən məlumata görə, uzunluğu 21,7 km olan yolun 7 km-i altı, 14,7 km-i isə dörd hərəkət zolağından ibarət olacaq.
Layihə üzrə 2 yolqovşağı, 1 yeraltı piyada keçidi nəzərdə tutulub. Artıq yolun 7-22 km hissəsində torpaq-qazma işləri yekunlaşmaq üzrədir. Demək olar ki, torpaq yatağının tikintisi 90% yerinə yetirilib. 14,5 km hissədə asfalt-beton örtüyünün tikintisi və işıqlandırma sisteminin quraşdırılması yaxın günlərdə başa çatdırılacaq.
Hazırda yol boyu əyri xətli tirlərin quraşdırılması, qırmadaş-qum qarışığının döşənməsi və üst layın asfalt-beton örtüyünün tikintisi işləri davam etdirilir.
Qeyd edək ki, yolun 14,5 km hissəsində tikinti işlərinin 2014-cü ilin sonu - 2015-ci ilin əvvəllərində başa çatdırılması gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
