Bakı-APA. Sentyabrın 22-də Çin Xalq Respublikasının sədri Si Tszinpinin ABŞ-a ilk rəsmi səfəri başlayır.
APA-nın TASS agentliyinə istinadən verdiyi məlumata görə, əvvəlcə Si Tszinpin Sietldə ABŞ-Çin münasibətləri üzrə Milli Komitənin və ABŞ-Çin işgüzar Şurasının təşkil etdiyi qəbulda çıxış edəcək.
Sentyabrın 23-də Çin Xalq Respublikasının sədri ABŞ-ın sabiq Ticarət naziri Henri Paulsonun təşkil etdiyi “dəyirmi masa”nın iştirakçısı olacaq, “Boeing” şirkətinin Everett şəhərindəki (Vaşinqton ştatı) müəssisinə baş çəkəcək və informasiya texnologiyalarına həsr edilmiş irimiqyaslı foruma qatılacaq.
Sentyabrın 24-də Si Tszinpin Vaşinqtonda ABŞ prezidenti Barak Obama, dövlət katibi Con Kerri, ABŞ prezidentinin milli təhlükəsizlik üzrə köməkçisi Syuzan Rays və vitse-prezident Co Baydenlə görüşəcək. Çin dövlət başçısının həmçinin ABŞ Konqresinin liderləri ilə görüşü də nəzərdə tutulub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
