Sosial

Ana səhifə

Sosial

Orta ixtisas təhsili müəssisələrinə ixtisas seçiminin nəticələri elan olunub

22 iyul 2015 15:01 (UTC +04:00)

Bakı. Fərid Mirzəyev – APA. Bu gün 2015/2016-cı tədris ili üçün ümumi (9-illik) təhsil bazasında orta ixtisas təhsili müəssisələrinin plan yerlərinə keçirilən müsabiqənin nəticələri elan olunub. Tələbə Qəbulu üzrə Dövlət Komissiyasının (TQDK) mətbuat xidmətindən APA-ya verilən xəbərə görə, ixtisas seçimi etmiş abituriyentlər TQDK-nın internet saytına daxil olmaqla və ya iş nömrəsini 7727-ə göndərməklə ixtisas seçiminin nəticəsi ilə tanış ola bilərlər.

Müsabiqənin nəticələri haqqında statistik məlumatlar aşağıdakı cədvəldə təqdim olunur:

Təhsil forması	Qəbul planı	Qəbul olunub			Qəbulolma
		Azərbaycan bölməsi	Rus bölməsi	Bölmələr üzrə cəmi	faizi
Dövlət ödənişsiz	3903	3686	108	3794	97.10
Dövlət ödənişli	4525	4093	143	4236	93.50
Özəl	500	501	0	501	100.00
Cəmi	8928	8280	251	8531*	95.44

Qeyd olunub ki, ümumi orta təhsil bazasında orta ixtisas təhsili müəssisələrinə qəbul olanlar 2015-ci il iyulun 23-dən 31-dək tələb olunan sənədləri təqdim etməklə qəbul olduqları təhsil müəssisəsində qeydiyyatdan keçməlidirlər. Abituriyentin göstərilən müddətdə qeydiyyatdan keçməməsi onun müvafiq ixtisasa yerləşdirilməkdən imtina etməsi kimi qiymətləndiriləcək və o, qəbul olanlar siyahısından xaric ediləcək.