Bakı-APA. ABŞ İran körfəzində dəniz infrastrukturunun minadan təmizlənməsi və müdafiəsi üzrə yeni iri beynəlxalq təlimlər keçirəcək. Məlumata əsasən, təlimlərdə 30-dan artıq ölkənin hərbçiləri iştirak edəcəklər.
Bazası Bəhreyndə olan ABŞ HDD-nin 5-ci donanmasının mətbuat xidmətinin bildirdiyinə görə, təlimlər «beynəlxalq (dəniz) ticarətinin müdafiəsinə dair müdafiə əməliyyatlarının geniş spektrini əhatə edəcək». Manevrlər mayın 6-30-da Bəhreyndə və İran körfəzində keçiriləcək.