Sosial

Ana səhifə

Sosial

Azərbaycanda əlilliyə görə pensiyaçıların sayı artır

06 mart 2009 14:14 (UTC +04:00)

Bakı. İlhamə İsabalayeva – APA. Son bir ildə Azərbaycanda pensiyaçıların sayı 26 455 nəfər artıb. APA-nın məlumatına görə, bunu Dövlət Sosial Müdafiə Fondunun (DSMF) sədri Səlim Müslümov bildirib.
S.Müslümovun sözlərinə görə, 2009-cu il yanvarın 1-i vəziyyətinə, Azərbaycanda əmək pensiyası alan şəxslərin sayı 1 275 138 nəfərə çatıb. Onların 496 788 nəfəri kişi, 778 350 nəfəri qadındır, qadınların isə 374 490 nəfəri çoxuşaqlı anadır.
S.Müslümov pensiyaçıların sayının artmasında əlliyə görə pensiyaya çıxanların mühüm rol oynadığını söyləyib: «Təəssüf ki, bu artımın böyük bir hissəsi əlilliyə görə pensiyaya çıxanların payına düşür. Ötən il onların sayı 10 569 nəfər çoxalıb. Ötən il yeni pensiya alanların 14 818 nəfəri yaşa görə pensiyaya çıxanlar, 1 068 nəfər ailə başçısını itirənlərdir».
S.Müslümov bildirib ki, hazırda əlilliyə görə 301 661 nəfər əmək pensiyası alır. Onların 22 354 nəfəri I qrup, o cümlədən 7 644 nəfəri I qrup gözdən əlillərdir. Əmək zədəsi və peşə xəstəliyi ilə əmək pensiyası alan şəxslərin sayı isə 4 705 nəfərdir. Ailə başçısını itirməyə görə əmək pensiyası alan şəxslərin sayı 137 633-ə çatıb. Onlardan 22-i Azərbaycan Milli Qəhrəmanlarının ailə üzvləridir.
Əmək pensiyaçılarının 9 241 nəfəri dövlət qulluqçusu kimi pensiya alır. Ümumilikdə isə, hazırda Azərbaycanda 1 275 308 nəfər pensiyaçı var, əmək pensiyaçılarının üumi sayı isə 125 548 nəfərdir.