Sosial

Ana səhifə

Sosial

Aprel ayında Azərbaycan ərazisində orta aylıq temperatur iqlim normasından yüksək olacaq

30 mart 2009 12:02 (UTC +04:00)

Bakı. İlhamə İsabalayeva - APA. Aprel ayında ölkə ərazisində orta aylıq temperaturun iqlim normasından bir qədər yüksək olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin direktor müavini Umayra Tağıyevanın APA-ya verdiyi məlumata görə, aylıq yağıntının miqdarının iqlim norması daxilində tərəddüd edəcəyi proqnozlaşdırılır. Lakin bəzi Aran rayonlarında yağıntının normadan bir qədər az olacağı, ayrı-ayrı dağətəyi rayonlarda isə normadan bir qədər çox olacağı ehtimal olunur. Birinci ongünlükdə tez-tez güclü şimal küləyinin güclü cənub küləyi ilə əvəz olunacağı ehtimalı var.

Aprel ayı ərzində Bakı və Abşeron yarımadasında havanın orta aylıq temperaturunun ayın birinci yarısında 13-15, ayın ikinci yarısında 16-18 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr havanın temperaturu 8-13 dərəcə isti təşkil edəcək. Gündüzlər 17-22 dərəcə isti olacaq, ayrı-ayrı günlərdə temperatur 27-31 dərəcəyədək yüksələcək. Aylıq yağıntının miqdarının iqlim normasına yaxın (norma 23-33 mm) olacağı proqnozlaşdırılır.

Naxçıvan Muxtar Respublikasında havanın orta aylıq temperaturunun ayın birinci yarısında 14-16, ayın ikinci yarısında 18-20 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr havanın temperaturu 6-10, ayın üçüncü ongünlüyündə 12-15 dərəcə isti olacaq. Gündüzlər havanın temperaturu 19 -23 dərəcə isti qeydə alınacaq, ayrı-ayrı günlərdə 27-32 dərəcəyədək yüksələcək. Yağıntının aylıq miqdarının iqlim normasına yaxın (norma 34-59 mm) olacağı proqnozlaşdırılır.

Yuxarı Qarabağ-Xankəndi, Xocavənd, Zəngilan, Qubadlı, Şuşa, Xocalı, Laçın, Kəlbəcər, Daşkəsən-Gədəbəy zonalarında havanın orta aylıq temperaturunun ayın birinci yarısında 9-11, ayın ikinci yarısında 13-15 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr 2-6, ayın üçüncü ongünlüyündə 7-10 dərəcə isti təşkil edəcək. Gündüzlər 12-17 dərəcə isti olacaq, ayrı-ayrı günlərdə 22-27 dərəcəyədək yüksələcək. Yağıntının aylıq yağıntının miqdarının iqlim normasına yaxın (norma 54-83 mm) olacağı ehtimal olunur.

Qazax-Gəncə, Tərtər, Ağdam-Füzuli-Cəbrayılda havanın orta aylıq temperaturunun ayın birinci yarısında 13-16 dərəcə isti, ayın ikinci yarısında 17-19 dərəcə isti gözlənilir ki, bu da iqlim normasından 2-3 dərəcə yüksəkdir. Gecələr 7-10, ayın üçüncü ongünlüyündə 11-15 dərəcə isti təşkil edəcək. Gündüzlər 18-23 dərəcə isti, ayrı-ayrı günlərdə 26-31 dərəcəyədək yüksələcək. Aylıq yağıntının miqdarının iqlim normasına yaxın (norma 31-40 mm) olacağı proqnozlaşdırılır.

Balakən-Şəki-Zaqatala-Qəbələ, Şamaxı-İsmayıllı, Xızı, Siyəzən-Dəvəçi, Quba-Qusar-Xaçmazda havanın orta aylıq temperaturunun ayın birinci yarısında 10-13, ikinci yarısında 14-17 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr 6-9, ayın üçüncü ongünlüyündə 10-13 dərəcə isti təşkil edəcək. Gündüzlər 15-18 dərəcə isti olacaq, ayrı-ayrı günlərdə 23-28 dərəcəyədək yüksələcək. Yağıntının aylıq miqdarının iqlim normasına yaxın (norma 48-103 mm), bəzi yerlərdə isə bir qədər çox olacaq.

Mərkəzi Aran rayonlarında - Mingəçevir, Yevlax, Kürdəmir, İmişli, Beyləqan, Sabirabad, Saatlı, Şirvan, Salyan, Neftçalada havanın orta aylıq temperaturunun ayın birinci yarısında 15-17, ayın ikinci yarısında 18-21 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr 9-11, ayın üçüncü ongünlüyündə 13-15 dərəcə isti təşkil edəcək. Gündüzlər 20-25 dərəcə isti olacaq, ayrı-ayrı günlərdə 29-34 dərəcəyədək yüksələcək. Yağıntının aylıq miqdarının iqlim normasına yaxın (norma 30-34 mm) və bir qədər çox olacağı proqnozlaşdırılır.

Masallı-Lənkəran-Astara-Lerik-Yardımlıda havanın orta ayrıq temperaturunun ayın birinci yarısında 12-14, ayın ikinci yarısında 15-18 dərəcə isti olacağı gözlənilir ki, bu da iqlim normasından 2-3 dərəcə yüksəkdir. Gecələr 8-10, ayın üçüncü ongünlüyündə 12-14 dərəcə isti proqnozlaşdırılır. Gündüzlər 18-23 dərəcə isti olacaq, ayrı-ayrı günlərdə 25-28 dərəcəyədək yüksələcək. Yağıntının aylıq miqdarının iqlim normasına yaxın (norma 41-63 mm) olacağı gözlənilir.

hava