Sosial

Ana səhifə

Sosial

Azərbaycanda dövlət qulluğu vəzifələrində çalışan işçilərin orta aylıq əmək haqqı son bir ildə 45% artıb

10 iyun 2009 13:05 (UTC +04:00)

Bakı. Nicat Mustafayev – APA-Economics. Bu ilin əvvəlinə Azərbaycanda dövlət qulluğu vəzifələrində çalışan işçilərin sayı əvvəlki ilin müvafiq dövrü ilə müqayisədə 1,5% artaraq 28 min nəfər olub və onların 28,5%-ni qadınlar təşkil edib.

Dövlət Statistika Komitəsindən «APA-Economics»ə verilən məlumata görə, dövlət qulluğunda işləyənlərin 2,2%-i inzibati vəzifələrin 1-4-cü, 79,6%-i 5-9-cu təsnifatları üzrə, 18,2%-i isə dövlət qulluğunun yardımçı vəzifələrində çalışıb. Dövlət qulluğu vəzifələrində işləyənlərin 7,8%-i 1 ilədək, 26,9%-i 1-5 il, 23,7%-i 5-10 il, 18,3%-i 10-15 il, 23,3%-i isə 15 il və daha çox qulluq stajına malikdir. İşləyənlərin əsas hissəsi (55,6%-i) 35-54 yaşda olanlardır. Dövlət qulluğunun vəzifələrində çalışan işçilərin 30 yaşadək olan qulluqçular 16,5%, 30-34 yaşda olan qulluqçular 12,4%, 35-44 yaşda olan qulluqçular 24,7%, 45-54 yaşda olan qulluqçular 30,9% və 55 və yuxarı yaşda olan qulluqçular 15,5% təşkil edib.

Bununla yanaşı, 5-9-cu təsnifat üzrə inzibatı vəzifələrdə çalışanların 15,6%-ni şöbə müdirləri, 10,2%-ni şöbə müdirinin müavinləri, 8,3%-ni sektor müdirləri, 24,6%-ni baş məsləhətçilər, 5,4%-ni böyük məsləhətçilər, 13,8%-ni aparıcı məsləhətçilər və 22,1%-ni məsləhətçilər təşkil edib. Dövlət qulluğunun ştat cədvəli üzrə vəzifələri 91,8% komplektləşdirilib.

Qeyd edək ki, dövlət qulluğu vəzifələrini tutmuş işçilərin orta aylıq əmək haqqı 345 manat, o cümlədən qadınların 434 manat təşkil edib və bir il ərzində müvafiq olaraq 45,4% və 49,7% artıb.