Sosial

Ana səhifə

Sosial

Azərbaycanın rayonlarında leysan yağacaq, dolu düşəcək

29 iyun 2009 09:22 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, havanın temperaturu gündüz 28-31 dərəcə, axşam 23-25 dərəcə, Abşeron çimərliklərində dəniz suyunun temperaturu 24-25 dərəcə isti olacaq. İyunun 30-da hava dəyişkən buludlu, yağmursuz keçəcək, cənub küləyi əsəcək, axşam şimal-qərb küləyinə keçəcək. Gecə 20-23, gündüz 31-35, Abşeron çimərliklərində dəniz suyunun temperaturunun 25-26 dərəcə isti olacağı gözlənilir.

İyulun 1-də havanın dəyişkən buludlu olacağı, arabir tutulacağı, əsasən yağmursuz keçəcəyi proqnozlaşdırılır. Şimal küləyi əsəcək, gündüz arabir yarımadanın bəzi yerlərində güclənəcək. Havanın temperaturu gecə 20-23 dərəcə, gündüz 27-29 dərəcə isti olacaq. İyulun 2-də havanın dəyişkən buludlu olacağı, arabir tutulacağı, axşam yarımadanın bəzi yerlərində qısamüddətli yağış yağacağı ehtimalı var. Şimal-qərb küləyi əsəcək, arabir güclənəcək. Havanın temperaturu gecə 19-22 dərəcə, gündüz 26-28 dərəcə isti gözlənilir.

Azərbaycanın rayonlarında iyunun 30-da hava əsasən yağmursuz keçəcək, səhər bəzi yerlərdə duman olacaq, şərq küləyi əsəcək. Havanın temperaturu gecə 16-21 dərəcə, gündüz 32-37 dərəcə, dağlarda gecə 9-14 dərəcə, gündüz 23-28 dərəcə isti olacaq. İyulun 1-2-də havanın, əsasən, yağmursuz keçəcəyi, lakin iyulun 1-də axşam, iyulun 2-də gecə və axşam şimşək çaxacağı, yağış yağacağı gözlənilir. Bəzi yerlərdə lokal leysan xarakterli olacağı, dolu düşəcəyi ehtimalı var. Qərb küləyi əsəcək, arabir ayrı-ayrı yerlərdə güclənəcək. Gecə 16-21, gündüz 27-32, dağlarda gecə 8-13, gündüz 19-24 dərəcə isti olacaq.

Tibbi-meteoroloji proqnoza əsasən, iyunun 30-da Abşeron yarımadasında günorta isti diskomfort şərait və cənub küləyinin üstünlüyü bəzi meteohəssas insanlarda narahatlıq hissi yarada bilər. Sonrakı 2 gün ərzində güclü xəzri küləyi ilə əlaqədar nisbətən sərin hava şəraiti əksər meteohəssas insanlar üçün əlverişlidir.

hava