Sosial

Ana səhifə

Sosial

Ekologiya və Təbii Sərvətlər Nazirliyi Mingəçevirdə 41 akt və protokol tərtib edib

07 iyul 2009 07:07 (UTC +04:00)

Bakı-APA. Ekologiya və Təbii Sərvətlər Nazirliyinin Mingəçevir şəhərindəki 8 saylı Ekologiya və Təbii Sərvətlər şöbəsinin əməkdaşları 2009-cu ilin 5 ayı ərzində “Ətraf Mühitin Mühafizəsi Haqqında” qanunun tələblərinə müvafiq reyd və yoxlamalar keçirərək 41 akt və protokol tərtib edib və icrası məcburi olan 5 göstəriş verib. Ekologiya və Təbii Sərvətlər Nazirliyinin mətbuat xidmətindən APA-ya verilən məlumata görə, qanun pozuntusuna yol verdiklərinə görə hüquqi və fiziki şəxslərə qarşı, ümumilikdə 12 iş üzrə 8945 manat məbləğində cərimə tətbiq edilib. Ətraf mühitə dəymiş ziyanla bağlı 7 iş üzrə 502,83 manat məbləğində iddia qaldırılıb. İdarə və müəssisələrə 113 iş üzrə 13535,83 manat məbləğində ödəmə verilib.
Su ehtiyatları üzrə 4 akt və protokol tərtib olunmuş, 2 icrası məcburi olan göstəriş verilib. İdarə və müəssisələrə 21 iş üzrə 2806,26 manat məbləğində cərimə tətbiq edilib.
Atmosfer havasının mühafizəsi sahəsində 5 akt və protokol tərtib olunub. Müəssisə və idarələrə 55 iş üzrə 4966,47 manat məbləğində ödəmə tətbiq edilib.
Torpağın mühafizəsi sahəsində 8 akt tərtib olunub, idarə və müəssisələrə 9 iş üzrə 645 manat məbləğində ödəmə tətbiq edilib. Yerin təkinin mühafizəsi sahəsində idarə və təşkilatlara 12 iş üzrə 2452 manat məbləğində ödəmə tətbiq olunub.
Ətraf mühitə qanunsuz məişət və istehsalat tullantılarının yerləşdirilməsinə görə 7 akt və protokol tərtib edilib, 3 icrası məcburi göstəriş verilib. 3 iş üzrə 3200 manat məbləğində cərimə tətbiq edilib. İdarə və müəssisələrə 16 iş üzrə 2666 manat məbləğində ödəmə tətbiq olunub.
Floranın mühafizəsi sahəsində 17 akt tərtib edilib, 5 iş üzrə 3065 manat məbləğində cərimə tətbiq olunub. Dəymiş ziyana görə 7 iş üzrə 502,83 manat məbləğində iddia qaldırılıb.