Sosial

Ana səhifə

Sosial

1 saylı Ərazi Ekologiya və Təbii Sərvətlər şöbəsi 6 ay ərzində 212 akt və protokol tərtib edib

13 iyul 2009 07:37 (UTC +04:00)

Bakı – APA. Ekologiya və Təbii Sərvətlər Nazirliyi 1 saylı Ərazi Ekologiya və Təbii Sərvətlər şöbəsinin əməkdaşları 2009-cu ilin ilk yarısı ərzində müvafiq reyd və yoxlamalar nəticəsində 212 akt və protokol tərtib ediblər. Nazirliyin mətbuat xidmətindən APA-ya verilən məlumata görə, reyd və yoxlamalar Masallı, Lənkəran, Lerik, Cəlilabad, Biləsuvar, Astara və Yardımlı rayonlarında keçirilib.
Məlumatda bildirilir ki, təbiətə vurulmuş ziyana görə 135 iş üzrə 7664 manat 46 qəpik məbləğində iddia qaldırılıb, əvvəlki ildən qalan borc da daxil olmaqla 8662 manat 44 qəpik məbləğin ödənilməsi təmin edilib. Təbiətə vurulmuş ziyana görə 69 iş üzrə 5580 manat 22 qəpik məbləğində iddia qaldırılıb, əvvəlki ildən qalan borc da daxil olmaqla 6888 manat 34 qəpik məbləğin ödənilməsi təmin edilib. Aşkar olunmuş qanun pozuntularına görə təqsirkar şəxslər barəsində inzibati qaydada 2 iş üzrə 1200 manat məbləğində cərimə tətbiq olunub, bundan 470 manat məbləğin ödənilməsi təmin edilib. Xidməti ərazidə 212,8 m3 odun, 133,5 m3 çırpı və 3,76 m3 işlik meşə materialı və 1110 kq kömür qanunsuz daşındığı üçün sənədləşdirilib, bundan 9 m3 odun, 1,76 m3 işlik meşə materialı müsadirə olunaraq Lənkəran Meşə Müəssisəsi və Bərpası Müəssisəsinə təhvil verilib.
Yerin təkinin və torpaq ehtiyatlarının mühafizəsi sahəsində yerin təkindən qanunsuz istifadəyə görə hüquqi və fiziki şəxslər barəsində 65 akt və 3 protokol tərtib edilmişdir. Xidməti ərazidə 268 m3 qum, 21 m3 çınqıl və 5 m3 qarışıq süxur qanunsuz daşındığı üçün sənədləşdirilib. Təbiətə vurulmuş ziyana görə 65 iş üzrə 2054 manat 24 qəpik məbləğində iddia qaldırılıb, bundan 1744 manat 10 qəpik məbləğin ödənilməsi təmin olunub. Aşkar edilmiş qanun pozuntularına görə təqsirkar şəxslər barəsində inzibati qaydada 11 iş üzrə 6600 manat məbləğində cərimə tətbiq edilib, bundan 2480 manat məbləğin ödənilməsi təmin olunub.
İstehsalat və məişət tullantıları haqqında Azərbaycan Respublikası Qanunun tələblərinin pozulması ilə əlaqədar aşkar edilmiş faktlar əsasında 36 akt və 8 protokol tərtib olunub, aşkar edilmiş çatışmazlıqların aradan qaldırılmasına dair 18 məcburi göstəriş verilib. Törədilmiş inzibati xətalarla əlaqədar təqsirkar şəxslər barəsində 9 iş üzrə inzibati qaydada 20300 manat məbləğində cərimə tətbiq edilib, bundan 2050 manat məbləğin ödənilməsi təmin olunub. Azərbaycan Respublikası Nazirlər Kabinetinin 122 saylı qərarına müvafiq olaraq tullantıların yerləşdirilməsinə görə 5216 manat məbləğin ödənilməsi təmin olunub.