Sosial

Ana səhifə

Sosial

Azərbaycan ərazisində leysan yağacaq, dolu düşəcək

14 sentyabr 2009 08:45 (UTC +04:00)

Şimal küləyi əsəcək, yarımadanın bəzi yerlərində arabir güclənəcək. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, havanın temperaturu gündüz 23-26, gecə 19-21, Abşeron çimərliklərində dəniz suyunun temperaturu 23-24 dərəcə isti olacaq.

Sentyabrın 15-də hava buludlu olacaq. Gecə və səhər yarımadanın bəzi yerlərində qısamüddətli az yağış yağacağı ehtimalı var. Şimal, şimal-şərq küləyi əsəcək. Havanın temperaturu gecə 18-20 dərəcə, gündüz 23-26 dərəcə, Abşeron çimərliklərində dəniz suyunun temperaturu 23-24 dərəcə isti olacaq.

Sentyabrın 16-da buludlu hava şəraitinin üstünlük təşkil edəcəyi, fasilələrlə yağış yağacağı gözlənilir. Şimal küləyi əsəcək, gündüz arabir nisbətən güclənəcək. Havanın temperaturu gecə 17-19 dərəcə, gündüz 20-23 dərəcə isti olacaq.

Sentyabrın 17-də hava buludlu olacaq, yağış yağacaq. Şimal küləyi əsəcək, arabir nisbətən güclənəcək. Havanın temperaturu gecə 16-18 dərəcə, gündüz 20-23 dərəcə isti olacaq.

Azərbaycanın rayonlarında sentyabrın 15-də, əsasən, gecə və axşam saatlarında şimşək çaxacağı, qısamüddətli yağış yağacağı gözlənilir. Bəzi yerlərdə yağışın lokal leysan xarakterli olacağı, qərb rayonlarında dolu düşəcəyi ehtimalı var. Qərb küləyi əsəcək, arabir güclənəcək. Havanın temperaturu gecə 15-19 dərəcə, gündüz 24-28 dərəcə, dağlarda gecə 7-12 dərəcə, gündüz 15-19 dərəcə isti olacaq.

Sentyabrın 16-17-də bəzi yerlərdə şimşək çaxacağı, yağış yağacağı gözlənilir. Əsasən gecə və axşam saatlarında yağışın lokal leysan xarakterli olacağı, dolu düşəcəyi ehtimalı var. Qərb küləyi əsəcək, arabir güclənəcək. Havanın temperaturu gecə 14-18 dərəcə, gündüz 23-26 dərəcə, dağlarda gecə 6-11 dərəcə, gündüz 12-16 dərəcə isti olacaq.

Tibbi-meteoroloji proqnoza əsasən, yaxın 3 gün ərzində Bakı və Abşeron yarımadasında arabir güclənən şimal küləyinin əsməsi və temperaturların tədricən enməsi gözlənilir ki, bu da əksər meteohəssas insanlar üçün əlverişlidir.

hava