Sosial

Ana səhifə

Sosial

Oktyabr ayında Azərbaycan ərazisində havanın orta aylıq temperaturu iqlim normasından yüksək olacaq

30 sentyabr 2009 12:55 (UTC +04:00)

Bakı. Kəmalə Quliyeva - APA. Oktyabr ayında Azərbaycan ərazisində havanın orta aylıq temperaturunun iqlim normasına yaxın, bəzi günlərdə isə normadan 1-2 dərəcə yüksək olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, ay ərzində yağıntıların respublika üzrə qeyri-bərabər paylanması gözlənilir. Aylıq yağıntının miqdarının iqlim normasına yaxın, bəzi rayonlarda isə normadan bir qədər çox olacağı ehtimal olunur.

Oktyabr ayı ərzində Bakı və Abşeron yarımadasında havanın orta aylıq temperaturunun 17-19 dərəcə isti olacağı gözlənilir ki, bu da iqlim normasından 1-2 dərəcə yüksəkdir. Gecələr havanın temperaturu 12-16, gündüzlər 20-25 dərəcə isti olacaq. Aylıq yağıntının miqdarının iqlim normasına yaxın (norma 26-40 mm) olacağı proqnozlaşdırılır.

Naxçıvan Muxtar Respublikasında havanın orta aylıq temperaturunun 15-17 dərəcə isti olacağı gözlənilir ki, bu da iqlim normasına yaxın və 1-2 dərəcə yüksəkdir. Gecələr havanın temperaturu 7-12, ayrı-ayrı günlərdə 3-6 dərəcə isti təşkil edəcək. Gündüzlər 20-25 dərəcə, ayrı-ayrı günlərdə 27-29 dərəcə isti, ayın sonunda isə 16-19 dərəcə isti gözlənilir. Yağıntının aylıq miqdarının iqlim normasına yaxın, bəzi yerlərdə (norma 19-32 mm) isə bir qədər az olacağı proqnozlaşdırılır.

Yuxarı Qarabağ-Xankəndi, Şuşa, Xocalı, Xocavənd, Zəngilan, Qubadlı, Laçın, Kəlbəcər, Daşkəsən-Gədəbəy zonalarında havanın orta aylıq temperaturunun 10-12 dərəcə isti olacağı gözlənilir ki, bu da iqlim normasından 1-2 dərəcə yüksəkdir. Gecələr 4-9, gündüzlər 12-17 dərəcə isti olacaq, birinci və ikinci ongünlüklərin bəzi günlərində 19-21 dərəcəyədək yüksələcək, ayın sonunda 10 dərəcəyə yaxın olacaq. Aylıq yağıntının miqdarının iqlim normasına yaxın (norma 44-56 mm) olacağı proqnozlaşdırılır.

Qazax-Gəncə, Goranboy, Tərtər, Ağdam-Ağcabədi-Füzuli-Cəbrayılda havanın orta aylıq temperaturunun 15-17 dərəcə isti olacağı gözlənilir ki, bu da iqlim normasından 1-2 dərəcə yüksəkdir. Gecələr 8-13 dərəcə, gündüzlər 18-23 dərəcə isti qeydə alınacaq. Bəzi günlərdə temperatur 25-27 dərəcəyədək yüksələcək, ayın sonunda 14-16 dərəcəyə yaxın olacaq. Aylıq yağıntının miqdarının iqlim normasına yaxın (norma 31-61 mm), bəzi yerlərdə isə bir qədər çox olacağı proqnozlaşdırılır.

Balakən-Şəki-Zaqatala-Oğuz-Qəbələ, Şamaxı-İsmayıllı, Xızı, Siyəzən-Dəvəçi, Quba-Qusar-Xaçmazda havanın orta aylıq temperaturunun 13-16 dərəcə isti olacağı gözlənilir ki, bu da iqlim normasından 1-2 dərəcə yüksəkdir. Gecələr 7-12 dərəcə, ayrı-ayrı günlərdə 4-6 dərəcə isti qeydə alınacaq. Gündüzlər 16-21 dərəcə isti müşahidə olunacaq, bəzi günlərdə temperatur 23-26 dərəcəyədək yüksələcək, ayın sonunda isə 12-15 dərəcə isti təşkil edəcək. Yağıntının aylıq miqdarının iqlim normasına yaxın (norma 34-126 mm), bəzi yerlərdə isə bir qədər çox olacağı proqnozlaşdırılır.

Mərkəzi Aran rayonlarında - Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Salyan, Hacıqabul, Neftçalada havanın orta aylıq temperaturunun 17-19 dərəcə isti olacağı ehtimalı var ki, bu da iqlim normasından 1-2 dərəcə yüksəkdir. Gecələr 10-15, gündüzlər 21-26 dərəcə isti, bəzi günlərdə 28-30, ayın sonunda 16-20 dərəcə isti gözlənilir. Yağıntının aylıq miqdarının iqlim normasına yaxın (norma 31-54 mm), bəzi yerlərdə isə bir qədər çox olacağı proqnozlaşdırılır.

Masallı-Lənkəran-Astara-Lerik-Yardımlıda havanın orta ayrıq temperaturunun 16-18 isti olacağı gözlənilir ki, bu da iqlim normasına yaxın və 1-2 dərəcə yüksəkdir. Gecələr 11-16 dərəcə, gündüzlər 19-24 dərəcə isti olacaq, bəzi günlərdə temperatur 26 dərəcəyədək yüksələcək, ayın sonunda isə 14-17 dərəcə isti proqnozlaşdırılır. Yağıntının aylıq miqdarının iqlim normasına yaxın (norma 96-274 mm) olacağı gözlənilir.

hava