Sosial

Ana səhifə

Sosial

BMT 2009-cu il üçün İnsan İnkişafına dair “Maneələri aşma: İnsan miqrasiyası və inkişaf” adlı hesabatını açıqlayıb

05 oktyabr 2009 09:00 (UTC +04:00)

Bakı. Laçın Sultanova-APA. BMT 2009-cu il üçün İnsan İnkişafına dair “Maneələri aşma: İnsan miqrasiyası və inkişaf” adlı hesabatını açıqlayıb. BMT-nin Bakıdakı nümayəndəliyindən APA-ya verilən məlumata görə, hesabatda qeyd olunub ki, dünyada hər yeddi adamdan biri miqrantdır. Bildirilib ki, miqrasiya milyonlarla insanın – miqrasiya edən, onların getdiyi təyinat ölkələrində yaşayan və öz vətənlərində qalan insanların həyatını yaxşılaşdıra bilər: “Bu hesabatın nəticələri miqrasiya ilə bağlı bəzi ümumi yanlış təsəvvürlərə yeni işıq salaraq insanların azadlığını artırmaq və dünyada milyonlarla insanın yaşayışını yaxşılaşdırmaq üçün həm ölkələrin daxilində, həm də onların arasında miqrasiyaya imkan yarada bilən bir sıra miqrasiya siyasətlərini təklif edib”.

Hesabatda daha sonra qeyd olunub ki, insan inkişafı insanların özlərinin seçdiyi kimi öz həyatlarını yaşamaq üçün malik olduqları azadlıqların genişləndirilməsidir: “Bu konsepsiya – Nobel laureatı Amartya Senin fasiləsiz işindən və Mahbub ul Haqın rəhbərliyindən ruhlanıb və o, mühüm “mövcud olanlara və edilənlərə” nail olmaq üçün insanların malik olduqları azadlığa verilən əhəmiyyətin 1990-cı ildə hazırlanmış ilk İnsan İnkişafı Hesabatından bəri BMT İP-nin yanaşmasında ön yerdə dayanması səbəbindən imkanlarla bağlı yanaşma kimi tanınır və yoxsulluq və məhrum etmə ilə mübarizə aparmaq üçün effektiv siyasətlərin hazırlanmasında hər an ən münasib hesab edilir. Bu yanaşma gender, insan təhlükəsizliyi və iqlim dəyişikliyi kimi müxtəlif mövzular üzrə düşünmə tərzinin yenidən formalaşdırılmasında güclü olduğunu sübuta yetirib”.