Sosial

Ana səhifə

Sosial

Yanvar ayında Azərbaycan ərazisində proqnozlaşdırılan hava şəraiti

30 dekabr 2009 10:46 (UTC +04:00)

Bakı. Kəmalə Quliyeva - APA. Yanvar ayında Azərbaycan havanın orta aylıq temperaturunun və aylıq yağıntının miqdarının iqlim normasına yaxın olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, birinci ongünlüyün əvvəllərində hava şəraiti nisbətən sabit, əsasən yağmursuz keçəcək. Birinci ongünlüyün ortalarında isə havanın qısa müddətə dəyişiləcəyi, soyuq və yağmurlu keçəcəyi gözlənilir.

Yanvar ayı ərzində Bakı və Abşeron yarımadasında orta aylıq temperaturun 4-5 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 1-4 dərəcə isti, ayrı-ayrı günlərdə 0-3 dərəcə şaxta olacaq. Gündüzlər 5-8 dərəcə, ayrı-ayrı günlərdə 10-14 dərəcə isti gözlənilir. Aylıq yağıntının miqdarının iqlim normasına yaxın (norma 18-28 mm) olacağı gözlənilir.

Naxçıvan Muxtar Respublikasında havanın orta aylıq temperaturunun 0-5 dərəcə şaxta olacağı gözlənilir ki, bu da iqlim normasına yaxındır. Gecələr havanın temperaturu 6-11 dərəcə şaxta, ayrı-ayrı günlərdə 15-20 dərəcə şaxta təşkil edəcək. Gündüzlər havanın temperaturunun 2-7 dərəcə isti, bəzi günlərdə 3-8 dərəcə şaxta olacağı gözlənilir. Yağıntının aylıq miqdarı iqlim normasına yaxın (norma 14-25 mm) olacaq.

Yuxarı Qarabağ-Xankəndi, Xocavənd, Zəngilan, Qubadlı, Şuşa, Xocalı, Laçın, Kəlbəcər, Daşkəsən-Gədəbəy zonalarında havanın orta aylıq temperaturunun 0-3 şaxta olacağı gözlənilir ki, bu da iqlim normasına yaxındır. Gecələr havanın temperaturu 3-5 dərəcə şaxta, ayrı-ayrı günlərdə 10-13 dərəcə şaxta təşkil edəcək. Gündüzlər 2-7 dərəcə isti, bəzi günlərdə 0-4 dərəcə şaxta gözlənilir. Yağıntının aylıq miqdarı iqlim normasına yaxın (norma 16-24 mm) olacaq.

Qazax-Gəncə, Goranboy, Tərtər, Ağdam-Ağcabədi, Füzuli-Cəbrayılda havanın orta aylıq temperaturu 1-3 dərəcə isti olacaq ki, bu da iqlim normasına yaxındır. Gecələr 4 dərəcə şaxtadan 1 dərəcəyədək isti, gündüzlər 4-9 dərəcə isti, ayrı-ayrı günlərdə 0-2 dərəcə şaxta gözlənilir. Aylıq yağıntının miqdarı iqlim normasına yaxın (norma 10-32 mm) olacaq.

Balakən-Şəki-Zaqatala-Oğuz-Qəbələ, Şamaxı-İsmayıllı, Xızı, Siyəzən-Dəvəçi, Quba-Qusar-Xaçmazda havanın orta aylıq temperaturu 1 dərəcə şaxtadan 2 dərəcəyədək isti gözlənilir ki, bu da iqlim normasına yaxındır. Gecələr havanın temperaturu 0-5 dərəcə şaxta, ayrı-ayrı günlərdə 8-13 dərəcə şaxta təşkil edəcək. Gündüzlər 3-5 dərəcə isti, ayrı-ayrı günlərdə 0-5 dərəcə şaxta gözlənilir. Yağıntının aylıq miqdarının iqlim normasına yaxın, bəzi yerlərdə isə bir qədər çox (norma 22-49 mm) olacağı proqnozlaşdırılır.

Mərkəzi Aran rayonlarında – Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçalada havanın orta aylıq temperaturunun 3-4 dərəcə isti olacağı gözlənilir ki, bu da iqlim normasına yaxındır. Gecələr 1 dərəcə şaxtadan 4 dərəcəyədək isti, ayrı-ayrı günlərdə 0-5 dərəcə şaxta, gündüzlər 5-10 dərəcə isti, ayrı-ayrı günlərdə 11-13 dərəcə isti olacaq. Yağıntının aylıq miqdarının iqlim normasına yaxın (norma 17-30 mm) olacağı gözlənilir.

Masallı-Lənkəran-Astara-Lerik-Yardımlıda havanın orta ayrıq temperaturu 3-4 dərəcə isti olacaq ki, bu da iqlim normasına yaxındır. Gecələr 0-4 dərəcə isti, ayrı-ayrı günlərdə 3 dərəcə şaxta, gündüzlər 5-10 dərəcə isti gözlənilir. Yağıntının aylıq miqdarı iqlim normasına yaxın (norma 63-98 mm) olacaq.

hava