Sosial

Ana səhifə

Sosial

Sumqayıtda Qələbə günü münasibətilə tədbir keçirilib

07 may 2010 10:05 (UTC +04:00)

Sumqayıt - APA. Bu gün Sumqayıtda yerləşən Qələbə abidəsinin qarşısında faşizm üzərində qələbənin 65 illik yubileyi münasibətilə mərasim keçirilib.

APA-nın məlumatına görə, tədbirdə şəhər İcra Hakimiyyətinin başçısı Vaqif Əliyev, Böyük Vətən müharibəsi iştirakçıları və şəhərin idarə, müəssisə və təşkilat rəhbərləri iştirak edib. İlk olaraq abidə önünə əklil qoyulub.

Daha sonra çıxış edən Sumqayıt ŞİH başçısı Vaqif Əliyev 1941-1945-ci illərdə 600 mindən çox azərbaycanlının cəbhədə olduğunu, onlardan 130-a yaxınının göstərdiyi şücaətə görə Sovet İttifaqı Qəhrəmanı adına layiq görüldüyünü, 30 nəfərin “Şərəf” ordeni, 170 min azərbaycanlı əsgər və zabitlərin SSRİ-nin müxtəlif orden və medalları ilə təltif edildiklərini qeyd edib: “1994-cü ildən Heydər Əliyevin sərəncamı ilə faşizm üzərində qələbənin ildönümü hər il respublikamızda yüksək səviyyədə qeyd olunur. Prezident İlham Əliyevin son illərdə imzaladığı sərəncamlarla Böyük Vətən müharibəsi veteranlarının sosial müdafiəsi tədbirləri əhəmiyyətli dərəcədə gücləndirilib, müharibə iştirakçılarına və onların yaxınlarına birdəfəlik yardımların verilməsi ənənə halını alıb”.

Tədbirdə şəhər məktəblilərinin “Şahin” komandalarının sıra baxışı olub.