Sosial

Ana səhifə

Sosial

Azərbaycanın rayonlarında yenidən yağış yağacaq

07 iyun 2010 09:39 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, gündüz 31-34, axşam 23-25 dərəcə isti gözlənilir. Abşeron çimərliklərində dəniz suyunun temperaturu 22-23 dərəcə isti olacaq.

İyunun 8-də hava dəyişkən buludlu, əsasən yağmursuz keçəcək. Şimal küləyi gündüz cənub-şərq küləyi ilə əvəz olunacaq. Gecə 20-23 dərəcə, gündüz 31-33 dərəcə isti gözlənilir. Abşeron çimərliklərində dəniz suyunun temperaturu 23-24 dərəcə olacaq.

İyunun 9-da havanın dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Şimal-qərb küləyi əsəcək. Gecə 21-23, gündüz 30-33 dərəcə isti olacaq.

İyunun 10-da hava dəyişkən buludlu, yağmursuz keçəcək. Şimal-qərb küləyi gündüz şimal-şərq küləyi ilə əvəz olunacaq. Havanın temperaturu gecə 22-24 dərəcə, gündüz 30-33 dərəcə isti olacaq.

Azərbaycanın rayonlarında iyunun 8-də hava gündüz, əsasən yağmursuz keçəcək. Lakin gecə və axşam əsasən şimal və qərb rayonlarında şimşək çaxacağı, lokal qısamüddətli yağış yağacağı ehtimalı var. Qərb küləyi əsəcək, arabir güclənəcək. Gecə 19-24, gündüz 32-37, dağlarda gecə 12-15, gündüz 23-28 dərəcə isti olacaq.

İyunun 9 və 10-da gecə və axşam bəzi yerlərdə şimşək çaxacağı, lokal qısamüddətli yağış yağacağı ehtimalı var. Gündüz hava, əsasən yağmursuz keçəcək. Qərb küləyi əsəcək, arabir güclənəcək. Havanın temperaturu gecə 18-23, gündüz 31-36, dağlarda gecə 10-14, gündüz 20-25 dərəcə isti olacaq.

Tibbi-meteoroloji proqnoza əsasən, yaxın 3 gün ərzində Abşeron yarımadasında meteoroloji amillərin zəif və mülayim tərəddüdləri meteohəssas insanlar üçün əsasən əlverişlidir.

hava