Sosial

Ana səhifə

Sosial

Azərbaycan ərazisində havanın temperaturu 39 dərəcəyədək yüksələcək

09 iyun 2010 10:39 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, havanın temperaturu gündüz 30-34, axşam 21-23 dərəcə isti qeydə alınacaq. Abşeron çimərliklərində dəniz suyunun temperaturu 24-25 dərəcə isti olacaq.

İyunun 10-da hava, əsasən yağmursuz keçəcək. Şimal-qərb küləyi gündüz cənub-şərq küləyi ilə əvəz olunacaq. Gecə 21-25, gündüz 31-35, Abşeron çimərliklərində dəniz suyunun temperaturu 25-26 dərəcə isti olacaq.

İyunun 11-də hava yağmursuz keçəcək. Şimal-qərb küləyi gündüz cənub-şərq küləyi ilə əvəzlənəcək. Havanın temperaturu gecə 21-25, gündüz 32-37 dərəcə isti olacaq.

İyunun 12-də hava əsasən yağmursuz keçəcək, şimal-qərb, şimal küləyi əsəcək. 21-24, gündüz 33-38, axşamüstü 28-30 dərəcə isti olacaq.

Azərbaycanın rayonlarında iyunun 10-da gecə və axşam bəzi yerlərdə şimşək çaxacağı, lokal qısamüddətli yağış yağacağı ehtimalı var. Gündüz əksər rayonlarda hava, əsasən yağmursuz olacaq. Qərb küləyi əsəcək, arabir güclənəcək. Gecə 20-24, gündüz 33-38, dağlarda gecə 11-16, gündüz 24-29 dərəcə isti gözlənilir.

İyunun 11-12-də hava, əsasən yağmursuz keçəcək. Lakin gecə bəzi dağlıq və dağətəyi rayonlarda qısamüddətli lokal yağış yağacağı, şimşək çaxacağı ehtimalı var. Qərb küləyi əsəcək, arabir güclənəcək. Havanın temperaturu gecə 20-25, gündüz 34-39 dərəcə, dağlarda gecə 11-16, gündüz 25-30 dərəcə isti olacaq.

hava