Sosial

Ana səhifə

Sosial

AMEA-nın I vitse-prezidenti: “Xarici aspirant və dissertantların illik təhsil haqqını Tarif Şurası müəyyən edəcək” - MÜSAHİBƏ

AMEA-nın I vitse-prezidenti: “Xarici aspirant və dissertantların illik təhsil haqqını Tarif Şurası müəyyən edəcək” - <font color=red>MÜSAHİBƏ</font>

24 iyun 2010 09:23 (UTC +04:00)

Bakı. İlhamə İsabalayeva - APA. Azərbaycan Milli Elmlər Akademiyasının I vitse-prezidenti Arif Haşımovun APA-ya müsahibəsi

- Akademiyada islahatların aparılması ucun UNESCO-nun ekspertləri Azərbaycan gəlməli, bununla bağlı məsləhətlər aparmalı idilər. Bununla bağlı son vəziyyət necədir?

- Texnoparklar üzrə UNESCO nümayəndələri artıq səfərlərini başa vurub, ilkin hesabatlarını da göndəriblər. Hazırda onların hesabatı öyrənilir. Amma yenidən nümayəndə heyətinin səfəri gözlənilir.

- Hesabatda nələr əksini tapıb?

- Strategiyada olan bütün bəndlər üzrə onlar öz fikirlərini bildirməli idilər. Ona görə də hesabatlarını hələlik qısa təqdim ediblər, geniş hesabatı sonra təqdim edəcəklər.

- Ötən il doktoranturaya qəbul həyata keçirilmədi. Bəs, bu il üçün qəbul gözlənilirmi?

- Ötən il “Təhsil haqqında” qanunla əlaqədar doktoranturaya qəbul keçirilmədi. Bu il artıq bütün lazımi sənədlər Nazirlər Kabinetinə təqdim edilib. Yəqin ki, oktyabr və ya noyabr aylarında doktoranturaya qəbul olacaq. Artıq yeni qaydalar təsdiq olunma ərəfəsindədir.

- Doktoranturaya qəbul hansı sahələr üzrə olacaq?

- Yeni qaydalara görə, doktorantura o müəssisələrdə həyata keçiriləcək ki, orada qoyulan tələblər yerinə yetirilsin. Yəni, kadr potensialı, maddi-texniki baza, ümumi məqalələrin çapı, jurnalın dərci və s. şərtlərə əməl edilsin. Bu şərtləri yerinə yetirən müəssisələrə doktorantura üçün yerlər veriləcək.

- Yaş senzi olacaqmı?

- “Təhsil haqqında” qanuna və Azərbaycan Respublikasının Konstitusiyasına görə, təhsildə yaş həddi qoyulmur. Ona görə də yaş senzi tamamilə götürülüb.

- Akademiyada kadr islahatları gözlənilirmi?

- Akademiyada kadr islahatları həmişə aparılır. Gənc kadrlar arasında islahatlar yeni kadrların hazırlanması yolu ilə aparılır. Yeni elmi kadrların hazırlanması isə doktorantura yolu ilə olur. Köhnə kadrlara gəldikdə, onlar həmişə attestasiyadan keçirlər. Vaxtları qurtaranda yeni seçkilər keçirilir və s. Kadr islahatları həmişə əsasnaməyə uyğun aparılır.

- Azərbaycan vətəndaşları üçün dissertanturada ödənişli təhsil olacaqmı?

- Ümumiyyətlə, Azərbaycan vətəndaşları üçün dissertanturada, aspiranturada ödənişli təhsil qətiyyən yoxdur. Təhsilin bu forması yalnız xarici ölkə vətəndaşlı üçündür. Ancaq yeni “Təhsil haqqında” qanuna görə, doktorantura, dissertantura təhsilin pillələri sayıldığına, təhsil ödənişli və ödənişsiz formada olduğu üçün doktoranturada da, dissertanturada da təhsil həm ödənişli, həm də ödənişsiz olacaq. Hazırda Nazirlər Kabinetində bu məsələyə baxılır. Yəqin ki, artıq təsdiqlənəcək, çünki bütün mərhələdən keçib və razılaşdırılıb.

- Hazırda xarici aspirant və dissertantların illik təhsil haqqı 2500 manatdır. Bununla bağlı yenilik gözlənilirmi?

- Köhnə qayda ilə akademiyanın Rəyasət Heyəti xarici vətəndaşlar üçün illik təhsil haqqının nə qədər olması ilə bağlı qərar qəbul etmişdi. Lakin yeni “Doktoranturaların yaradılması və doktoranturaya qəbul qaydaları” təsdiqləndikdən sonra təhsil haqqının Taarif Şurası tərəfindən müəyyənləşdirilməsi üçün bu quruma müraciət ediləcək. Çünki məsələn, kimya ixtisası üzrə işlərin yerinə yetirilməsinə çox mənfəət tələb olunur, ədəbiyyat üzrə isə yalnız kitablar lazım olur. Buna görə də bu məsələ problem yaradır. Təklif odur ki, təhsil haqqı ya ixtisaslar üzrə müxtəlif, ya da ümumilikdə hamısı üçün eyni olsun.

təhsil