Sosial

Ana səhifə

Sosial

Bu gündən Azərbaycan ərazisində havanın temperaturu 7-10 dərəcə düşəcək, leysan yağacaq, dolu düşəcək

08 sentyabr 2010 09:13 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya bildirib ki, qeyri-sabit hava şəraiti sentyabrın 12-dək davam edəcək. Bu müddətdə havanın temperaturu 7-10 dərəcə aşağı düşəcək.

Sentyabrın 8-də Bakı və Abşeron yarımadasında hava az buludlu, yağmursuz olacaq. Cənub-şərq küləyi axşam şimal-qərb küləyi ilə əvəz olunacaq. Gündüz 30-34, axşam 24-26, Abşeron çimərliklərində dəniz suyunun temperaturu 22-23 dərəcə isti olacaq.

Sentyabrın 9-da hava dəyişkən buludlu, yağmursuz keçəcək. Axşam buludluluğun artacağı gözlənilir. Şimal-qərb küləyi əsəcək, gündüz yarımadanın bəzi yerlərində arabir güclənəcək. Gecə 20-23, gündüz 26-29, Abşeron çimərliklərində dəniz suyunun temperaturu 22-23 dərəcə isti olacaq.

Sentyabrın 10-da buludlu hava şəraiti üstünlük təşkil edəcək. Axşam yarımadanın bəzi yerlərində qısamüddətli yağış yağacağı gözlənilir. Şimşək çaxacağı ehtimalı var. Şimal-qərb küləyi əsəcək, yarımadanın bəzi yerlərində arabir güclənəcək. Gecə 16-19, gündüz 20-23 dərəcə isti olacaq.

Sentyabrın 11-də hava buludlu olacaq, gündüz arabir açılacaq. Gecə və axşam yarımadanın bəzi yerlərində qısamüddətli yağış yağacağı gözlənilir. Şimal-qərb küləyi əsəcək, arabir güclənəcək. Gecə 15-17, gündüz 20-23 dərəcə isti olacaq.

Azərbaycanın rayonlarında sentyabrın 9-da, əsasən gecə və axşam şimşək çaxacağı, yağış yağacağı gözlənilir. Bəzi yerlərdə leysan xarakterli olacağı, qərb rayonlarında dolu düşəcəyi ehtimalı var. Qərb küləyi əsəcək, ayrı-ayrı rayonlarda güclənəcək. Gecə 18-22, gündüz 27-32, dağlarda gecə 10-15, gündüz 18-23 dərəcə isti olacaq.

Sentyabrın 10-11-də şimşək çaxacağı, arabir yağış yağacağı gözlənilir. Əsasən gecə və axşam bəzi yerlərdə leysan xarakterli, intensiv olacağı ehtimalı var. Qərb küləyi əsəcək, ayrı-ayrı rayonlarda güclənəcək, 11-də gündüz şərq küləyi əsəcək. Gecə 15-18, gündüz 22-26, dağlarda gecə 8-12, gündüz 15-18 dərəcə isti olacaq.

hava