Sosial

Ana səhifə

Sosial

Azərbaycan ərazisində havanın temperaturu yüksəlir

11 oktyabr 2010 11:38 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya bildirib ki, axşam buludluluğun artacağı, gecəyə doğru yarımadanın bəzi yerlərində yağış yağacağı gözlənilir. Şimal-qərb küləyi əsəcək.
Havanın temperaturu gündüz 21-24, axşam 15-18 dərəcə isti olacaq.

Oktyabrın 12-də havanın buludlu olacağı, bəzi yerlərdə yağış yağacağı gözlənilir.
Şimal küləyi əsəcək, arabir güclənəcək. Gecə 13-15, gündüz 17-19 dərəcə isti olacaq.

Oktyabrın 13-də buludlu hava şəraitinin üstünlük təşkil edəcəyi, gecə və səhər bəzi yerlərdə yağış yağacağı, gündüz tədricən kəsiləcəyi gözlənilir. Şimal küləyi əsəcək, gündüz cənub-qərb küləyi ilə əvəz olunacaq. Gecə 13-15, gündüz 18-21 dərəcə isti olacaq.

Oktyabrın 14-də hava dəyişkən buludlu, əsasən yağmursuz keçəcək. Gecə və səhər zəif duman olacaq, şimal-şərq küləyi əsəcək. Gecə 13-15, gündüz 18-22 dərəcə isti olacaq.

Azərbaycanın rayonlarında oktyabrın 12-də şimşək çaxacağı, arabir yağış yağacağı gözlənilir. Qərb küləyi əsəcək, arabir güclənəcək. Havanın temperaturu gecə 14-17, gündüz 18-22, dağlarda gecə 4-8, gündüz 9-13 dərəcə isti olacaq.

Oktyabrın 13-14-də əsasən gecə və axşam saatlarında yağış yağacağı gözlənilir.
Qərb küləyi əsəcək, arabir güclənəcək. Havanın temperaturu gecə 14-17, gündüz 18-22, dağlarda gecə 4-8, gündüz 8-11 dərəcə isti olacaq.

Oktyabrın 12-də atmosfer təzyiqinin xeyli yüksəlməsi, tutqun, küləkli və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər. Sonrakı 2 gün ərzində meteoroloji amillərin zəif və mülayim tərəddüdləri əksər meteohəssas insanlar üçün nisbətən əlverişlidir.

hava