Sosial

Ana səhifə

Sosial

Göyçayda zona seminarı keçirilib

30 noyabr 2010 12:59 (UTC +04:00)

Göyçay. Şahnəzər Bəşirov - APA. Azərbaycan Həmkarlar İttifaqı Konfedrasiyasının (AHİK) təşkilatçılığı ilə noyabrın 30-da Göyçay rayonunda “Kiçik və orta sahibkarlıq müəssisələrində həmkarlar ittifaqı təşkilatlarının yaradılması” mövzusunda zona seminarı keçirilib. APA-nın Şirvan bürosunun məlumatına görə, seminarda səhiyyə işçiləri, yerli sənaye və kommunal məişət müəssisələri fəhlələrinin Həmkarlar İttifaqının Respublika Komitəsinin və bu təşkilatların Göyçay, Ağdaş, Yevlax, Mingəçevir, Şamaxı və Ağsuda fəaliyyət göstərən yerli şöbələrinin nümayəndələri, eləcə də regionda fəaliyyət göstərən 50-ə yaxın sahibkar iştirak edib.
Tədbirdə AHİK-in sədr müavini Vaqif Eyvazov, komitənin katibi və aparat rəhbəri Həsən Cəfərov çıxış edib. Seminarda “Kiçik və orta sahibkarlıq müəssisələrində həmkarlar ittifaqı təşkilatlarının yaradılmasınnın vəziyyəti və işəgötürənlərlə bu sahədə əməkdaşlıq məsələləri”, "Bu gün kiçik və orta sahibkarlıq müəssisələrində həmkarlar ittifaqı təşkilatları öz üzvlərini müdafiə etməyə qadir olan real qüvvəyə çevrilibmi?", "Həmkarlar ittifaqları özünün bütün qüvvəsini bu məsələlərin ədalətli həllinə yönəldə bilirmi?" və digər məsələlər ətrafında müzakirələr aparılıb. Tədbir iştirakçılarına həmkarlar ittifaqlarına dair hüquqi sənədlər barədə məlumat verilib. Tədbirdə "Həmkarlar İttifaqının ilk təşkilatını necə yaratmalı" adlı tövsiyyə xarakterli sənəd ətrafında fikir mübadiləsi aparılıb.